Wedding Expo ------------ Round One
上回講到, 幾經辛苦終於 book 到個 Banquet 場地. 咁接住0既就當然係其中一個重要項目 ------- 婚紗相.我地睇準時間, 去0左會展0既 Wedding Expo, 因為通常入面都係平過街外價錢0既. 不過今次去0既心態當然係大概睇睇, 先攞個 general concept.要睇0既都唔少, 例如帖, 回禮精品, video production, 禮服等等.....一入到去, 見到有間叫顯卓0既物體, 都有好多晚裝, 於是陳小姐就入去睇下.個 Sales 見我地睇, 佢即刻不停 sell, 陳小姐仲差少少就把持不住要落訂. 好彩理智0既我即刻加以制止. 再一路行, 睇0左幾間婚紗相, 暫時覺得新天地最好.終於, 離場0既時候仍然係兩手空空. 無訂過任何0野.
煩人的酒席
有咗日子之後，我們就向各大酒樓出發喇。為咗大家的交通便利問題，我們先從尖沙咀著手，第一站係----文化中心映月樓，原本佢有個靚海景，係唔錯的選擇，可是，略嫌裝修唔夠新兼樓底唔高，要再考慮。於是，我們就繼續沿海皮搵，星光行的唔得，因為個場實在一點點都吸引唔到我們。再行入d，到Silvercord的彩雲軒，Sorry，已被人book咗；廣東道聘珍樓，the same；中港城好彩，同一命運，咁...點算呢？睇來，尖沙咀都係同我們無緣。
唯有再努力尋覓啦，旺角？好似冇咩似樣的酒樓喎。九龍塘？好似幾貴架喎。九龍唔得，唯有向香港進發啦，香港區的Target海邊的灣仔或係銅鑼灣。點知，未出發前，先打幾個電話問下個情況，結果係冇，冇，冇。去到灣仔睇，真唔明白點解裝修可以咁殘。真令人有點擔心，再去Times Square的食通天碰碰運氣吧。聘珍樓？個場幾靚，不過，有人hold住。鴻星？我們唔想要兩條柱。好煩呀，點算？唔死心的我們，在一輪挫敗後，再經晚上一輪商議，決定星期日再接再厲。先諗諗邊個場係我們最鍾意又有可能先，唔，就再去聘珍樓搏下啦。個經理好helpful咁即刻幫我們問，點知三個電話都唔接後，經理Lucas話比個場我們，好唔好呢，因為，個場係靚，但如果擺足二十五圍的話，有dd細，不過，又好怕再揾唔到。最後，梗係由較有主見的陳生決定--好啦！
擇日篇
有咗結婚呢個決定，接下來要做的就梗係擇日啦。經同事介紹，我們就向黃大仙出發喇。可惜，我們去到的時候，原本要搵的金言居士請我們下星期book咗時間再到。唯有問下我們的伴娘--神婆Mon，佢的答案係：咪當的結咗幾次婚先得架，我幫你問下人啦。最終，我們搵咗幾年前幫我解過簽、貌似大佛的馬運財師傅。結果，我們就訂於二零零七年十月二十七日進行中式婚禮。除咗日子外，師傅大贈送，提我們搵邊d貴人幫我們攪婚禮，仲話叫我們接新娘的時候，在油麻地兜個靚圈先。臨走的時候，佢仲叫我們生仔搵佢改個好名，咁生女點呢？
求婚篇
話說，在陳生未轉工前，我們定星期四為我們的「去街日」。就在我生日前的星期四，我們約好去銅鑼灣食飯，行街街。我們食完飯後，行下行下，陳生就帶左我行去維園。原來，佢早有準備，向我求婚。(雖然，我們都早有計劃會結婚，但畢竟都唔知係幾時。)
在那刻，我真有d愕然。過程中，我們冇別人想像中咁浪漫，亦冇好多感人的場面，因為，我們都唔係一d口甜舌滑，好識表達自己的人，但係，佢對我的承諾已經令我覺得自己好幸福了。
序幕
今年 3 月 2 日, 我地正式決定結婚了.
兩個星期前, 好不容易才選定了訂婚介指.
前面的路絕不好行, 有很多很多問題都要解決.
接下來, 要做的是擇日.
